លោកជំទាវ ចឹក ហេង សមាជិកព្រឹទ្ធសភាប្រចាំភូមិភាគទី៨ បានចុះឈ្វេងយល់ និងសំណេះសំណាលជាមួយក្រុមប្រឹក្សាឃុំ មន្ត្រីបុស្តិ៍ស្ថិតនៅក្នុងឃុំត្បែង១ ស្រុក សង្គមថ្មី ខេត្តព្រះវិហារ
![](https://senate.gov.kh/wp-content/uploads/2023/02/P8_2023-02-08_6-1.jpg)
ព្រឹកថ្ងៃទី៨ ខែកុម្ភះ ឆ្នាំ២០២៣ លោកជំទាវ ចឹក ហេង សមាជិកព្រឹទ្ធសភាប្រចាំភូមិភាគទី៨ បានចុះឈ្វេងយល់ និងសំណេះសំណាលជាមួយក្រុមប្រឹក្សាឃុំ មន្ត្រីបុស្តិ៍ស្ថិតនៅក្នុងឃុំត្បែង១ ស្រុក សង្គមថ្មី ខេត្តព្រះវិហារដែលបានចូលរួមដំណើរជាមួយ លោកស្រី ហុឹម សុភីន អភិបាលរងស្រុក ដោយមានអ្នកចូលរួម ចំនួន ១០នាក់។ក្រោយពីបានស្តាប់របាយការណ៍របស់ឃុំរួច លោកជំទាវក៏បានសំដែងនូវការកោតសសើរ និងលើកទឹកចិត្តដល់អាជ្ញាធរមូលដ្ឋាន លើការផ្តល់សេវាសាធារណះជូនប្រជាពលរដ្ឋ ការអនុវត្តន៍គោលនយោបាយ ភូមិឃុំមានសុវត្ថិភាព រក្សាសណ្តាប់ធ្នាប់ក្នុងមូលដ្ឋានបានល្អ។ជាពិសេសលោកជំទាវសំណូមពរអាជ្ញាធរ បញ្ជ្រាបការផ្សព្វផ្សាយ អប់រំអោយប្រជាជនយល់ដឹងពីគោលនយោយភូមិឃុំមានសុវត្ថិភាពតាមទីកន្លែង មាន ប្រជាជនប្រមូលផ្តុំ និងត្រូវរក្សាសុខភាព អោយបានល្អ អនុវត្តន៍៣ការពារ ៣កុំ។ក្នុងពិធីសំណេះសំណាលនេះលោកជំទាវបានឧបត្ថម្ភថវិកា ២០០០០រៀលក្នុងសមាជិកម្នាក់ៗ និងនាំយកតេស្តរកមេរោគកូវីដ-១៩ របស់សមេ្តចវិបុលសេនាភក្តី សាយ ឈុំ ប្រធានព្រឹទ្ធសភា ចំនួន ០៣ប្រអប់ ជូនដល់សាលាឃុំត្បែង១ និង ឧបត្ថម្ភសាលាស្រុកសង្គមថ្មី ចំនួន ០៣ប្រអប់។